Language
Монгол | English
И-мэйл шалгах:
И-мэйл:
Нууц үг:

Англи хэлний стандартыг шинэчлэн тогтоолоо

Орхон бүрэн дунд сургуулийн хамт олон нилээдгүй их зүтгэл гаргасны үр дүнд 2015 оны хичээлийн жилээс эхлэн 6-9-р ангиуддаа албан ёсоор Кембриджийн олон улсын хөтөлбөр заах эрхээ авлаа. Бид бүхэн 2016 оноос эхлэн 3-5-р ангиудыг олон улсын хөтөлбөртэй болгохоор төлөвлөсөн бөгөөд 2018 оны хичээлийн жил гэхэд 1-12-р ангиуд бүгд олон улсын хөтөлбөртэй болсон байх юм. Үүнтэй холбоотой манай сургуулийн суралцагчдын хувьд мөрдөгдөх англи хэлний стандартыг шинээр тогтоолоо. 


Гүн эмгэнэл илэрхийлэе

ЦЭРЭНГИЙН БАТНАСАН (1947-2015)

Бидний эрхэм дотнын хүн, Монгол улсын гавьяат багш Цэрэнгийн Батнасан маань зуурдаар таалал төгсч бидэнд хүнд гарз учирлаа.

Багш Ц.Батнасан маань 2011 оноос эдүгээ хүртэл Орхон дунд сургуульд химийн багшаар үр бүтээлтэй ажиллаж, залуу багш нарыг сурган дадлагажуулах, ирээдүй хойч үеийг сурган хүмүүжүүлж төлөвшүүлэхэд өөрийн мэдлэг, туршлагаа харамгүй зориулж, хамт олныхоо хайр хүндлэлийг хүлээсэн сурган хүмүүжүүлэгч байсан юм.

Тэрбээр Монгол улсын боловсролын салбарт он удаан, үр бүтээлтэй ажиллаж байхдаа багш нарын ур чадварын улсын уралдаанд 1 удаа тэргүүлж, 1 удаа удаалж байжээ. Химийн шилдэг багш нарын нэг Ц.Батнасан нь химийн багш нарын улсын олимпиадад 10 удаа оролцсоноос 4 удаа тэргүүн байранд, 4 удаа дэд байранд, 2 удаа гуравдугаар байранд шалгарчээ. Түүнчлэн сурагчдын химийн улсын олимпиадад 25 сурагч оролцуулж, алтан медаль-5, мөнгөн медаль-6, хүрэл медаль-4-ийг тус тус хүртжээ.

Цэрэнгийн Батнасангийн ажил хөдөлмөрийн онцгой амжилтыг төр засгаас өндрөөр үнэлэн, цэл залуухан насанд нь Монгол улсын “Гавьяат багш” цол олгожээ.

Ахмад багш Цэрэнгийн Батнасангийн хөдөлмөрч хичээнгүй, эрэмгий дайчин үлгэр дуурайлал, хүнлэг сайхан зан чанар бидний сэтгэлд ямагт хоногшин дурсагдсаар байх болно.

Ум сайн амгалан болтугай.

ОРХОН ДУНД СУРГУУЛИЙН ЗАХИРГАА ХАМТ ОЛОН


14 дэхь төгсөлтөө хийлээ

Өнөөндөр манай сургуулийн 14 дэхь удаагийн төгсөлт сайхан боллоо. Төгсөгчдөөс Ч. Ариунжаргал, М.Цэрэндулам нар манай сургуультай хамтын гэрээтэй ажилладаг Хятад дахь Америк их сургууль болох SIAS их сургуульд эхний 2 жил англи хэл дээр, дараагийн 2 жил хятад хэл дээр сурч төгсөх 100%ийн тэтгэлэг гардан авлаа. Мөн Б.Баттүвшин Орхон их сургуульд 100%, М.Бэлгүтэй, С.Оюунбат нар 70% тэтгэлэгтэй суралцах эрхийг доктор, профессор Н.Хажидсүрэнгийн нэрэмжит Орхон боловсрол сангаас гардан авлаа. Мөн Б.Баттүвшин, С.Оюунбат нар сагсан бөмбөгийн 1-р зэрэг, М.Бэлгүтэй, Э.Баяртогтох, А.Дамдинсүрэн нар сагсан бөмбөгийн 2-р зэрэг тус тус хүртлээ.

Нийт төгсөгчиддөө баяр хүргэе

2015 оны эрдмийн баярын зургийг ЭНД  дарж үзнэ үү


Та манай сургуулийн фэйсбүүк хуудсанд сүүлд нэмэгдсэн доорх зургуудийг үзэж сонирхоно уу.

Хаврын аялал -2015 Эрдмийн баяр -2015 Дээлтэй монгол -2015 

1-5-р ангийн суралцагчдын "Бяцхан мисс" тэмцээн 2014-2015 Урлагийн наадам 1-5-р анги - 2015 он

 

 
© 2002-2014 "Орхон" Дунд Сургууль
Монгол улс, Улаанбаатар 210136, Чингис хааны өргөн чөлөө, Ш/х-176
Утас: +976-70110655, +976-99295597, +976-99118264, Фах: +976-11-341276
И-мэйл: info@orkhonschool.edu.mn